தைப்பொங்கல் விழாவை முன்னிட்டு ரூபன் & பாண்டியன் நடத்தும் மாபெரும் கட்டுரைப்போட்டிக்கு அழைக்கிறோம்

வணக்கம் வலையுலக நண்பர்களே…

தமிழர் திருநாளாம் தைப்பொங்கல் விழாவை முன்னிட்டு ரூபன் & பாண்டியன் நடத்தும் மாபெரும் கட்டுரைப்போட்டிக்கு அழைக்கிறோம்… வாருங்கள்…  வாருங்கள்…வலையுலக உறவுகள் கேட்டுக்கொண்டதற்கு ஏற்ப மீண்டும் காலம் நீடிக்கப்படுகிறது என்பதை மிக்க மகிழ்ச்சியாக அறியத்தருகிறோம்…

காலம் 21.2.2014 உலகத் தாய்மொழி நாள்  அன்று இறுதி நாள் ஆகும்

உலகத்தாய் மொழி தினம் எப்படி வந்தது. சிறிய விளக்கம்- அனைத்துலகத் தாய்மொழி நாள்   பெப்ரவர-21 அன்று உலகம் முழுவதும் கொண்டாடப்பட்டு வருகின்றது.  1952 இல் இந்த நாளன்று அன்றைய   கிழக்கு பாகித்தான் தலைநகர்  தாக்காவில் வங்காள மொழியை அரசகரும மொழியாக ஆக்கக் கோரி நடத்தப்பட்ட போராட்டத்தின் போது உயிர்நீத்த நான்கு மாணவர்களின் நினைவாக இந்நாள் உலகளாவிய முறையில் மொழி தொடர்பாக நினைவு கூரப்படும் சிறப்பு நாளாகக் கொண்டாடப்படுகிறது

இந்த வலையுலகில் தாங்கள் சாதனைகளை படைக்க வேண்டும் என்ற எண்ண துணிச்சலுடன் இதுவரைக்கு பல கட்டுரைகள் வந்துள்ளது… அதில் ஒவ்வொன்றையும் பார்க்கும்போது. கொடுக்கப்பட்ட தலைப்புக்களில் மிகத் தரமாக சொல் வீச்சும் கருத்தாடலும், அனைவரையும் கவரும்படி நன்றாக எழுதியுள்ளார்கள்… நீங்களும் அவர்களுடன் போட்டி போட்டு உங்களின் ஆக்கங்களை எழுதி அனுப்புங்கள்…

போட்டிக்கான தலைப்பு :

1. இணையத்தின் சமூகப் பயன்பாடு.

2. இன்றைய சினிமாவின் போக்கும் சமூக பாதிப்புகளும்.

3. போதைப் பழக்கமும் அடுத்த தலைமுறையின் முன்னேற்றமும்.

4. உழைப்புக்கான வழியினைச் சீர் செய்ய எண்ணாது அரசு இலவசங்களிலும் வியாபாரத்திலும் முனைவது சரியா…?

5. தற்காலத் தமிழின் போக்கும் அதன் எதிர்கால நிலையும்

  போட்டியின் விமுறைகள் :

 1. ஒரு பதிவரின் ஒரு தலைப்பிலான ஒரு கட்டுரையே மட்டுமே போட்டியில் சேர்த்துக் கொள்ளப்படும்.

2. கட்டுரையை தங்கள் பதிவில் 21/02/2014 இரவு 12 மணிக்குள் (இந்திய நேரம்) பதிவிடப் பட்டிருக்கவேண்டும்.

 3. நடுவர்களின் தீர்ப்பே முடிவானதாக இருக்கும்.

உங்களின் தளத்தில் கட்டுரையை வெளியிட்ட பின் அனுப்பவேண்டிய :     rupanvani@yahoo.com & dindiguldhanabalan@yahoo.com

 நடுவர்கள் :

 

பரிசுகள் :

 முதல் பரிசு : பதக்கமும் + சான்றிதழ்

இரண்டாம் பரிசு : பதக்கமும் + சான்றிதழ்

மூன்றாம் பரிசு : பதக்கமும் + சான்றிதழ்

ஆறுதல் பரிசாக தேர்வு செய்யப்படும் ஏழு போட்டியாளர்களுக்க சிறப்புச் சான்றிதழ் வழங்கப்படும்…

 புத்தகப் பரிசு : நடுவர் குழுவை ஒத்த முடிவுகளைத் தேர்வுசெய்யும் மூன்று வாசகர்களுக்கும் பரிசு உண்டு. அவர்கள் விரும்பும் நூல்களை திரு. முத்து நிலவன் ஐயா அனுப்புவார்கள். அதனால், ஒவ்வொரு பதிவரின் கட்டுரையில், நீங்கள் இடும் சிறப்பான பின்னூட்டங்களும் கருத்தில் கொள்ளப்படும் என்பதையும் தெரிவித்துக் கொள்கிறோம்.

கலந்து கொள்பவர்கள்  தங்களின் பெயர்,மின்னஞ்சல் மற்றும் வலைத்தள முகவரிகளை பின்னூட்டத்தில் தெரிவிக்கவும்… வெல்லுங்கள்…! பதக்கமும்+ சான்றிதழும் அள்ளிச் செல்லுங்கள்…!

-நன்றி-

-அன்புடன்-

-ரூபன்-