தாயே நீ இருந்திருந்தால்……!!!

 

என்னைப் பெத்த தாயே-என்னைஎதுக்கு பெத்தா?

தலையில் கல்லை சுமக்க பெத்தாயா

தரணியில் புகழ் சூட பெத்தாயா?

என் பிஞ்சு மனசு வேக வேக

உன் கல்லு நெஞ்சு இளக வில்லையா.????

செங்கல்ச்சூழ வெப்பத்திலே

பட்டு பட்டு என்மனம் வெந்து  வெந்து -போனதம்மா.

புத்தகத்தை சுமக்க வேண்டிய கையில்

தலையில் கல்லைச் சுமக்கிறேன்-தாயே

 

பெத்துவிட்ட நீ கண்மறைந்து போனாயே

பெத்து வளத்த அப்பனும் வேறஒருத்தியை-தொட்டதனால்

கடசியில் என்னை விட்டு விட்டுப்போனாறே

இத்தனை துன்பத்தையும் தரணியில்

சுமக்கவைத்த தாயே.

 

இதனை பார்ப்பதற்கு நீ இல்லையே –தாயே

உன் பிள்ளை மனம் வெந்து வெந்து

ஒரு சான் வயிற்றுக்காய்

தினம் தினம் தரணியில் கண்ணீரை -வடித்து வடித்து

தினம் தினம் கல்லை சுமக்கிறேன் தாயே.

என்னை பெத்த தாயே என்னை

உன் வயிற்றில் நான் வளரும் போது.

என்னை கருவிலே அழித்திருக்கலாம்-தாயே…!!

 

-நன்றி-

-அன்புடன்-

-ரூபன்-