நீ நெஞ்சில் தந்த காயங்கள்

அன்பான உறவுவைத் தேடி தேடி
வாழ்க்கை நீண்டு போனது
காதல் சுகங்கள் சுமையேற
சோர்ந்து போனது உள்ளக்கிடக்கை
அவள் ஒரு திசையில் நான்ஒரு திசையில்
திசைமாறிய பறவைகள் போல வாழ்க்கை
சோகங்களைத் தரும் காதலை விட
அவளிடம் இருந்துவரும் அழைப்பே
என் காதலுக்கு ஒரு சுகம் தரும்

அவளிடம் இருந்து வந்த கடிதங்கள்
என் செஞ்சில் ஒரு இன்னிசை
புயல் யுத்தம் செய்தது.
சிட்டுக்குருவியின் சிறகை வேண்டி
வானத்தில் பறக்கச்சொன்னது.
யாருக்கும் தெரியாத அமைதியான இடம் நோக்கி
அவளின் காதல் கடிதங்களை வாசிப்பதில்
ஒருசுகம் இருக்கும்..ஆகா…ஆகா…

தாயின் வயிற்றில்பிறக்கும் பிள்ளை
வளர்ந்தவுடன் திசைமாறிவிடும்
சாகும் வரை காதல் என்ற உறவே
பிரியாமல் எப்போதும் நிலைத்திருக்கும்
நான் அன்பு என்ற மூன்றெழுத்தை விதைத்தேன்
ஆனால் நீ பிரிவு என்றமூன்றெழுத்தை
என்னுள் விதைத்து விட்டாய்
நாலுசனம் வாழ்த்த நீ வாழ்ந்தால் போதும்
நான் உன் நினைவில் வாழ்ந்துகொண்டுடிருப்பேன்
அது உனக்கு புரியுமடி.

-நன்றி-
-அன்புடன்-
-ரூபன்-

திசைமாறிய ஆசைகள்(சிறுகதை)

உருண்ட தோழ்களும் முறுக்கேறிய தசைகளும் கட்டு மீசையும் சராசரியான உயரமும் கொண்டவன்தான் சின்னப்பன் அவனுக்கு அழகான மனைவி,பெயர்(ராமாயி) அழகானஒரு பெண் பிள்ளையும் அவள்தான் (இலக்கியா)

அவனுடைய சிந்தனை உணர்வுகளில் பல ஆசைகளை வளர்த்தான் அந்த ஆசைகள் சிலது நிறைவேறியது சில ஆசைகள் நிறைவேறாமல் போனதும்முண்டு தைபிறந்தால் வழி பிறக்கும் என்ற முது மொழிக்கு ஏற்ப அவனது ஊரில் உள்ள வயல் நிலங்களை நிலத்துக்கு சொந்தக்காரர்கள் தங்கள் தங்கள் நிலங்களை உழுதார்கள்

சின்னப்பனும் தன்னுடைய வயல் நிலத்தை உழுது பன்படுத்தினான் வயல் உழுதும் காலத்தில் கடலில் இருந்து தரையை நோக்கி கடல்க்காற்று வீசும் காலம் அனல் பறக்கும் வெயில் ,அந்த நிலத்தின் மண்வாசணை வீசியது  சின்னப்பனின் மனதில் ஒரு நினைவலை தோன்றியது  எவ்வளவு கஷ்டப்பட்டு நான் சிந்தும் ஒவ்வொரு வியர்வைத் துளிக்கும் நல்ல பயன் கிடைக்கும் என்ற நம்பிக்கை ஒளிச்சித்திரக் காட்சி ஓடியது மனதுக்குள்

வயலை உழுத பின் அதற்கான விதை நெல்லை வாங்க வேண்டும் தன்னிடம் பணம் இல்லாமல் போனது என்னதான் செய்வதென்று புரியாத படி கிழக்கு திசையை நோக்கிய வண்ணம் நாடியில் கை ஊன்றியபடி வீட்டுத்திண்ணையில் உக்காந்து இருந்தான்,

அந்த வேளையில் அவன் மனைவி (ராமாயி) வருகிறாள் அவள் தன்னுடைய பேச்சு மொழியில் சொல்லுகிறாள், “என்னங்க நாடியில் கை ஊன்றியபடி எதைப் பற்றி யோசிக்கிறிங்கள் என்று அவன் மனைவி கேட்டாள்,”

இல்ல ராமாயி இருக்கிற பணத்த வச்சி நம்மட வயல் நிலத்தை உழுதாச்சி  வயல் விதைப்பும் நெருங்கி வருது விதை நெல் வேண்டப்பணம் இல்ல ராமாயி என்று தழுதழுத்த குரலில் பேசினான்

சில நாட்கள் கழிந்து விட்டது  பக்கத்து வயல் காரர்கள் எல்லோரும் விதைத்து விட்டாங்கள் நம்மட வயல் மட்டுந்தான் விதைக்காமல் அப்படி கிடக்குது ராமாயி என்று தன் மனைவியிடம்பதில் கூறினான்

சரி ராமாயி நீ மகளை வீட்டில் வைத்துக் கெள் நான் என் நண்பனிடம் போய் கைமாத்தாக பணம் கேட்டுப்பாக்கிறேன் தந்தால் நல்லதுதான் அங்கு செல்லுகிறான் நண்பன் சொல்லுகிறான் மச்சான் என்னிடம் இருந்த பணம் எல்லாம் முடிந்து விட்டது என்று பதில் சொன்னான்

என்னங்க நாம எல்லோரிடமும் போய் பணம் கேட்டாள் யாரும் தந்த பாடு இல்லை என்னதான் செய்வது என்னங்க, என்னங்க என்று ராமாயி செல்லமாய் தன் கணவனை அழைக்கிறாள் அந்த வேளையில் சொல்லுகிறால் ராமாயி என் களுத்தில் கிடக்கும் (1பவுண்,ஒருபவுண்) தங்கச் சங்கிலியை நம்மட பக்கத்து வீட்டு முனியாண்டியிடம் போய் அடகு வைச்சி பணத்தை எடுத்து வாங்க என்று ராமாயி தன் கணவனிடம் அடக்கமான குரலில் சொன்னால்

உன்சிந்தனை நன்றாகத்தான் இருக்கு ஆனால் எனக்கு மனவேதனையா இருக்கு நீ கழுத்தில் ஒன்றும் இல்லாமல் இருப்பதுதான் ,என்னதான் செய்வது எல்லம் இறைவனுக்கு தொரியும் என்று பெருமூச்சுடன் சொன்னான்

சின்னப்பன் பணத்தை எடுத்து விதைநெல்லும்  வேண்டியாட்சி வயலும் விதைபட்டது விதைத்து 4 வாரங்கள் ஆகி விட்டது பக்கத்து வயல் காரர்களை விட சின்னப்பனின் பயிர் மிக அருமையாக வளர்ந்திருந்தது பக்கத்து வயல் காரர்களின் கண்கள் சின்னப்பன் வயலில்தான் கண்ணாக இருந்தது வயலில் பயிர் நல்ல செழிப்பாக வளர்ந்ததும் சின்னப்பன் வீட்டில் இருப்பதில்லை ஒவ்வொரு நாளும் வயல், வயல் என்று வயலில் காலத்தை கழித்தான்,

ஒரு நாள் வயலில் இருந்து வீட்டுக்கு வந்தான் சின்னப்பன் அவன் மனைவி ராமாயி வஞ்சன மீன் கறியும் நல்ல வரட்டலும் பச்சமிளகா பொரித்தும் இருந்தது  சாப்பாட்டைக் கண்டதும்  சின்னப்பனுக்கு பசி வந்தது, கணவன் மனைவி மகள் ஆகிய (3பேரும் )ஒன்றாக உக்காந்து உணவு உண்டார்கள்

பின்பு தூங்கும் நேரம் வந்துவிட்டது ராமாயி படுக்கைஅறையை சுத்தம் செய்து வைத்தாள் அந்த வேளையில் ராமாயி சொல்லுகிறாள் “வயல் அறுவடைமுடிந்த பின்பு நம்மட மகளுக்கு(2பவுண்)தங்கச் சங்கிலியும்  கைக்கு வளையலும் வாங்க வேண்டும்என்ற ஆசை மனதில் அலைமோதியது அதை தன் கணவனிடம் சொன்னால் அந்த ஆசையும் சின்னப்பனின் மனதில் ஒரு பக்கம் இருந்தது

வயல் விதைத்து 1 .1/2 மாதங்கள் ஆகி விட்டது பக்கத்து வயல் காரர்கள் எல்லோரும் களை பிடிங்கி வயலுக்கு உரமிட்டுக்கொண்டார்கள் சின்னப்பனும் தன்னுடைய வயலுக்கு களை பிடிங்கி உரமிட்டு  நீர்பாச்சி ,இப்படியாக வேலை செய்து வயலில் பயிர்  நன்கு வளர்ந்து பச்சைப் பசல் என்று காட்சி அளித்தது தென்றல் காற்று வீசும் போது வளைந்து நெளிந்து, கடல் அலைபோல காட்சி அளித்தது சின்னப்பன் மகிழ்ந்தான்

அவனுடைய வீட்டில் அன்றாடம் உண்பதற்கு உணவு இல்லை இப்படியாக வறுமை அவன் குடும்பத்தை வாட்டியது “சின்னப்பன் தன் மனதுக்குள் நினைக்கிறான் ஒரு வாரத்தில் வயல் அறுவடை செய்யலாம் இனி சோத்துப்பஞ்சம் வீட்டில் இருக்காது சந்தோசமாக இருக்கலாம் என்ற சிந்தனை துளிகள் ஓடியது,மனதில்

வயல் நன்றாக விளைந்தது ஒவ்வொரு நாளும் ராமாயி தன் வீட்டில் உள்ள பூஜை அறையை சுத்தம் செய்து இறைவனை வணங்குவள்,அவள் இறைவனை வணங்கும் போது இறைவா நல்ல விளைச்சல் தரவேண்டும், என்று ஒவ்வொரு நாளும் வணங்குவள்,

ஒரு நாள் சின்னப்பனுக்கு தூக்கம்வர அதிகாலை 5 மணியாகி விட்டது அந்த  வேளையில் கரு மேகங்கள் வானத்தில் பந்தலிட மின்னல் கீற்றுக்கள் ஒளி வீசியது வானம் பூமி அதிர இடி இடித்தது புயல்க்காற்று வீசியது கட்டுக்கடங்காமல் மழை பொழிந்தது  அந்த வேளையில் உணந்து கொண்டான் தான் கஷ்டப்பட்டு வியர்வை சிந்தி செய்த வயல் அழிந்து போய் விடுமோ என்ற ஏக்கம் இருந்தது இப்படியாக 4 நாட்கள் தொடர்ச்சியாக மழை பொழிந்தது

அவனுடைய வயலில் உள்ள நெற் கதிர்களும்  திசை மாறி நீரில் ஓடியது  அவன் தன்னுடைய மனைவியின் ஆசையும் தன் மகளின் ஆசையும் இறுதியில் நிறைவேற்ற முடியாமல் திசைமாறி ஓடியது  அவன் நினைத்த ஆசைகள் எல்லாம் திசைமாறி ஓடும் நதியைப் போல ஓடியது,

 

-நன்றி-

-அன்புடன்-

-ரூபன்-

நீ எனக்காக தந்த நினைவுச்சின்னம்

பேனாவின் துணையுடன்
வெள்ளை காகிதத்தில்
உனக்காக வரைந்தேன்
என் காதல் பயணத்தை
மாசற்ற விசும்பின்-வதனம்போல்
உன் வதனமடி
நிதமான தென்றல்-வீசும்போது
காற்றுக்கு நெருடும்
உன் கூந்தலின் -அழகு
என்னை நெருடவைத்ததடி

அன்னத்தின் நடையழகே
என்னாசை அருமை -நாயகியே
உன் உதடு-சிவந்த
கொவ்வைப் பழம் போன்றது
என் கன்னத்தில் -நீ பதித்த
முத்தத்தின் அடையாளச் -சின்னமாய்
உன் சிகப்பு உதடு -பதிந்ததடி

உருவத்தை காட்டும்
கண்ணாடி கையில்எடுத்த -வண்ணம்
நீ பதித்த மலர்ந்த பூ போன்ற
அழியாத அடையாள -சின்னத்தை
பகலவன் திருட முன்
ஈரம் வற்றமுன்
வெள்ளைக் காகிதத்தில் -ஒற்றி எடுத்தேனடி
ஒற்றி எடுத்த வெள்ளைக்-காகிதம்

மொனனலிஸா ஓவியம் -போல்
மங்காமல் இருக்குதடி
உலகத்தின் (ஏழு)அதிசயங்கள்-வரிசையில்
நீ என் கன்னத்தில் பதித்த
அடையாளச் சின்னம்-முத்தமடி
எட்டாவது(08) அதிசயமாய்
என் நெஞ்சுக்குள் – சுற்றுதடி
உன் அடையாளச்சின்னம்
எனக்கு நிழல்குடை பிடிக்குதடி

-நன்றி-
-அன்புடன்-
-ரூபன்-

தாண்டாதே தாண்டாதே வாசற் படியைத்தான் தாண்டாதே….

அரும்பு மீசை துளிர் விடும்-காலம்
உன்னை உயிருக்கு உயிராய்-காதலிச்சேன்
நீ இல்லாமல் நான்- இல்லை
நான் இல்லாமல் -நீ இல்லை
என்ற ஈறெடுக்கு தொடர்களுக்குள்
சிட்டுக்குருவி போல் -பறந்து
காதல் வானில் சிறகு -விரித்தோம்
பெண்ணே தாண்டாதே தாண்டாதே

வாசற் படியைத்தான் -தாண்டாதே
பிரியாதே பிரியாதே
காதலனை விட்டுப் பிரியாதே

உன் அப்பன் உன் ஆத்தாள்
என்னப்பன் என்னாஆத்தாள்
இரண்டுபேரும் சங்க கூட்டம்- போட்டு
ஊர்முழுக்க விலாசமாய்
திருமண வாழ்த்து மடல்-கொடுத்து
அக்கினி சாட்சியாய்
அருந்ததி-பார்த்து
அம்மி மிதித்து-நடக்க இருக்குது
இருவரி மணக்கோலம்
அதை மறந்து போகப்போகிறாயா?-பெண்ணே
தாண்டாதே தாண்டாதே
வாசற் படியைத்தான் -தாண்டாதே
பிரியாதே பிரியாதே
காதலனை விட்டுப் பிரியாதே

காதலன் காதலியிடையே
வாய்ப் பேச்சால் வீன் பழிவருவது-வழக்கம்
அந்த வீன் பேச்சை நிறுத்தி விடும்-பெண்ணே
போர்கோலம் கொள்ளாமல்
பொறுமை காத்திடும் பெண்ணே,
நம் இருவரின் பாச உறவை
தூக்கி எறிந்து விடாதே -பெண்ணே
தாண்டாதே தாண்டாதே
வாசற் படியைத்தான் -தாண்டாதே
பிரியாதே பிரியாதே
காதலனை விட்டுப் பிரியாதே

காதல் வானில் சிறகை விரிக்கும்-காலத்தில்
நாம் இருவர் நமக்கிருவர்
என்று அடிக்கடி சொல்வாயே-பெண்ணே
அந்த வார்தைக்கு கை விலங்கு
பூட்டுப் போட்டுவிட்டாய் -பெண்ணே
அந்த கை விலங்குப் பூட்டை
உடைத்தெறிய -வந்திடும் பெண்ணே
வந்திடும் பெண்ணே
தாண்டாதே தாண்டாதே

வாசற் படியைத்தான் -தாண்டாதே
பிரியாதே பிரியாதே
காதலனை விட்டுப் பிரியாதே

-நன்றி-
-அன்புடன்-
-ரூபன்-

என் யன்னல் ஓரத்து நிலா,

எல்லைகள் தாண்டிய
உன் பார்வை-விழிகள்
ஏதோ ஒரு போர்மேகம்
கொண்டால்ப்- போல
பளிச்சிடும் உன்பார்வை
யன்னல் ஓரத்தில்-தெரிகிறது
அந்தப் பார்வை-உன்
மரணக் கோலத்தின்
பார்வையென்று-நான் உணர்ந்தேன்

 

உன் வீட்டு ஓரத்து-யன்னல்
கம்பிகலிடம் கேட்டுப்பார்த்தால்
தெரியும் நீ-பார்த்த பார்வை
நீ அழுத உன் விழியில்
இருந்து வடிந்த கண்ணீர்த் -துளிகளை
யன்னல் ஓரத்தில் -இருந்த
றோஜ செடியின் பூ இதழ்கள்
ஒற்றி எடுத்ததடி
உன் விழியில் இருந்து -வடிந்த
உப்பள கண்ணீர்த்-துளிகள்
உன் வீட்டு யன்னல்-கம்பியின் மேல்
காதல் கொண்டு
கம்பி துருப்பிடித்து -விட்டதடி

 

மெளனம் கலந்த-முகத்துடன்
வாடிக் குறுகிய உடம்புடன்
வார்த்தைகள் பேச முடியாத-மனதுடன்
உன் வீட்டு யன்னல்-ஓரத்தின் வழி
விழி வைத்து எதற்காக-காத்திருக்கிறாய்
என் யன்னல் ஓரத்து -நிலவே
நீ காதல் என்னும் -கடலில்
மூழ்கி விட்டாய்
அந்த முத்தான-முத்தை
நான் எடுக்க வந்திடுவேன்
என் யன்னல் ஓரத்து – நிலவே
உன் வீட்டு யன்னல் ஓரத்தின்-வழி காத்திரு
என் கண் விழியால் உன்னை
திருடிப் போயிடுவேன்

 

-நன்றி-
-அன்புடன்-
-ரூபன்-

ஒரு தாயின் பிரிவு

குடும்பச் சுமையை
நெஞ்சில் சுமந்தாய்
வேலைச் சுமையை
கைகளில் சுமந்தாய்
வீறு கொண்டேழுந்து
நீ அழகாக -புன்னகைப்பாய்
உன் அங்கள் வலிக்க
உன் உயிரை மாய்த்து,
புது மனிதனாய்-என்னை
மண்னில் பிறக்கவைத்தாயே-தாயே

 

நீ பட்டினி கிடந்து
உன் பிள்ளையை, நீ சுமந்தாய்
தாயே நீ தாலாட்டுப்பாட
உன் மடியில் நான் உறங்கினேன்
தாலாட்டி சீராட்டி -வளர்த்த அன்னையே
உன்னை தரணியில் -புகழ்பாட
என் வாயினில் வார்த்தைகலே-இல்லை
உன்னை கற்பனைபண்ணி-கவிஎழுத,
என் மனதில் இருந்து
வார்த்தைகளும் வரவில்லை
உன்னை சொல்லால் -விளக்கமுடியாது,
நீ ஒரு அனிர்வசனியம்-தாயே

 

நித்தம் நித்தம் அன்புதனை-செலுத்தி
என்னை வளத்தெடுத்தாயே-தாயே
திக்கிடும் செய்தியை கேட்டால்
நீ திகைத்துப் போய்-நிப்பாயே,
நீ ஆதரவற்று தனியாக
கல்லறையில் -தூங்குகிறாய்
உன் சோகப் பரிவு -என் வாழ்வில்

பின்னிப் பினைந்து கொன்டே-இருக்குதம்மா,
ஆழ்கடலில் காற்றடித்து-திசைமாறிய
பாய்க் கப்பல் கரையை சேர
போராடுவது போல
என் மனம் அலைபாயுதே- உன்நினைவுகளில்
அம்மா உன் பிரிவின் -வலியை
தாங்கியபடி வாழ்கிறேன்-அம்மா

 

-நன்றி-
-அன்புடன்-
-ரூபன்-

வேலாயுதம்படத்தின் திரைவிமர்சனம்

விஜய், ஜெனிலியா, ஹன்ஸிகா மோத்வானி நடித்து தீபாவளிக்கு ரிலீசான வேலாயுதம். ஜெயம் எம் ராஜா இயக்கியுள்ள இந்தப் படத்தை ஆஸ்கர் ரவிச்சந்திரன் தயாரித்துள்ளார். சூர்யாவின் ஏழாம் அறிவோடு தியேட்டர்களுக்கு போட்டி போட்டு உலகெங்கும் ரிலீசாகிவிட்டது வேலாயுதம் !

தன் தங்கையே உலகம் என்று எண்ணி படு அப்பாவியாக வாழும் ஒரு கிராமத்தவன் நகரத்துக்கு வரும் வேளையில் தற்செயலாக, பத்திரிகையாளர் ஒருவரால் படைக்கப்பட்ட ஒரு கற்பனையான சாகசவீரன் பாத்திரமாக மாறிவிட, அடுத்து இடம்பெறும் மோதல்கள், அந்த அப்பாவி சாகச மனிதன் சந்திக்கும் சவால்கள் என்று நீளும் ஒரு விறுவிறு கதை தான் வேலாயுதம்.

ஒரு நகரத்திற்கு குண்டு வைக்க திட்டம் தீட்டுவது போல் “வேலாயுதம்” படத்தின் கதை துவங்குகிறது. அவர்களின் திட்டம் நிறைவேற ஒரு தமிழ்நாட்டு அமைச்சரையும் கடத்துகின்றார்கள். அவரும் தீவிரவாதிகளின் துணையாக செயல்படுகிறார். இந்த விஷமிகளுடன் சேர்ந்து, தனது அடி ஆட்களின் துணையுடன் பல இடங்களில் குண்டு வைக்கிறார் அந்த அமைச்சர். இந்த குண்டு வெடிப்பு சம்பவத்தையும், அமைச்சரின் அடியாட்களின் செயற்பாடுகளையும் பத்திரிகையாளரான ஜெனிலியாவும், அவரின் சில நண்பர்களும் படம் பிடிக்க முயல்கின்றனர். இதனைக் கண்ட அமைச்சரும் மற்றும் அவரது அடியாட்கள், ஜெனிலியாவின் நண்பர்களை எரித்துக் கொண்டுவிடுகின்றனர். ஜெனிலியாவை தாக்கி விட்டு மீண்டும் பாம் வைப்போம் என்று சொல்லிவிட்டு வாகனத்தில் ஏறும் போது, சிகரட் பற்றவைகின்றனர். அந்த தீ தவறி வாகனத்தில் இருந்த பெட்ரோல் மீது விழ, வாகனம் தீப்பற்றி எரிந்து அந்த அடியாட்கள் இறந்துவிடுகின்றனர்.
ஜெனிலியாவும் குறும்புத்தனமாக ஓரு பேப்பரில், இவர்களை நான் தான் கொன்றேன். மீண்டும் குண்டுவைத்தால், மீண்டும் மற்றவர்களையும் அழிப்பேன் என்று எழுதி, அதில் வேலாயுதம் என்று எழுதிவிட்டு போகின்றார்.

“வேலாயுதம்” என்ற கதாபாத்திரத்தில் வரும் விஜய் கிராமத்தில், பாசக்கார அண்ணனாக, தங்கையுடன் நிம்மதியாக வாழ்ந்து வருகிறார். தங்கையின் திருமணத்திற்காக, தான்
சீட்டு கம்பனியில் சேமித்துவைத்த பணத்தை எடுக்க சென்னைக்கு வருகின்றார். சென்னைக்கு வந்த இடத்தில், விஜய் செய்யும் சில செயல்பாடுகள் தீவிரவாதிகளுக்கு எதிராக மாறிவிடுகிறது.அதே போல் தற்செயலாக ஒரு இடத்தில் அவர்களிடமிருந்து ஜெனிலியாவை காப்பாற்றுகிறார் விஜய்.

அப்போது விஜயிடம் நீதான் மக்களை காக்கும் வேலாயுதம் என்கின்றார் ஜெனிலியா. விஜய் இதை ஏற்றுக்கொள்ள மறுக்கிறார். விஜய் செய்த செயல்கள், எதேர்ச்சையாக தீவிரவாதிகளுக்கு எதிராக அமைந்ததை பற்றி விளக்கி கூறுகிறார். இதை எல்லாம் கூறி, விஜயை வேலாயுதமாக மாறி, தீவிரவாதிகளை அழிக்க வேண்டும் என்று கூறுகின்றார்.ஆனால் அதை மறுத்துவிடுகிறார் விஜய்.

விஜயுடன் சீட்டு கம்பனியில் பணம் சேமித்து வைத்தவர்களில் ஒருவராக வருகிறார் இளவரசு. ஆனால், அந்த சீட்டுக் கம்பனி பலரை ஏமாற்றி விடுகிறது. அந்த அதிர்ச்சியை தாங்கிக் கொள்ள முடியாத இளவரசு, தற்கொலை செய்து கொள்கிறார். அவரது மரணத்திற்கு பிறகு, அவரது மனம் வெகுவாக மாறுகிறது. அதன் பின்னர், விஜய் வேலாயுதமாக மாறுகின்றார்.
இதற்கிடையில், ஜெனிலியாவிற்கு விஜய் மீது காதல் வருகிறது. ஆனால், விஜய் தனது முறைப்பெண்ணான ஹன்சிகா மோத்வாணியை காதலிப்பதாக சொல்ல அவர்களுக்காக தனது ஒரு தலைக் காதலை விட்டு தருகின்றனர் ஜெனிலியா.
கிராமாவாசியாக, ஒரு பால்காரராக வரும் விஜய் ஒரு சூப்பர் ஹீரோ வேலாயுதமாக மாறி வில்லனையும், அவரது ஆட்களையும் எப்படி ஒழித்துக் கட்டுகிறாரா, இல்லையா என்பது தான் மீதமுள்ள கதை.(இயக்குனர் ராஜா பேட்டிகளில் சொன்னதுபோல் ஒரு காட்சியில் கூட விஜயை பால்க்காரனாக காண்பிக்கவில்லை)

விஜய்க்கு பழக்கப்பட்ட ரோல். ஆனாலும் ஏதோ ஒரு வெரைட்டி கொடுக்க ட்ரை பண்ணியிருக்கிறார். பாடல் காட்சிகளில் துறு துறு விஜய்.சொன்னா புரியாது பாடலில் தியேட்டரே அதிர்கிறது. அது விஜய்க்கு இன்னும் உள்ள மாஸிற்கு சாட்சி. �ரத்தத்தின் ரத்தமே� பாடல் விஜய் ரசிகர்களுக்கென்றே உருவாக்கப்பட்டதாக இருந்தாலும் உறுத்தாமல் கதையோடு நகர்கிறது.வழக்கம் போல், விஜய் தனது காமெடி, நடனம், செண்டிமெண்ட், ஆக்ஷன் போன்ற அனைத்து அம்சங்களிலும் அசத்தியுள்ளார்.
ஜெனிலியா ஹிந்தியிலும் தமிழிலும் மார்க்கெட் உள்ள பெண் ஏன் தமிழில் மட்டும் ஷோபிக்க முடியவில்லை தெரியவில்லை. இதிலும் தியாகி ரோல் தான். கூடவே நடிக்க முயற்சிக்கும் காட்சிகளில் முகபாவம் வேறு லூசுப்பெண் இமேஜை விட்டு வெளிவர மறுக்கிறது. ஹன்சிகாவுக்கு வேலாயுதம் ஒரு பெரிய மாஸ் பிரேக் தான் ! விஜயுடன் டூயட்டுகளில் தூள் கிளப்புகிறார். ஏதோ நடிக்க வேறு ஆரம்பிச்சுருக்காரு அத்தோட கவர்ச்சிக்கும் குறைவில்லை. சந்தானம் காமெடி காட்சிகளில் பட்டையைக் கிளப்புகிறார். பொறம்போக்கு பொழுதுபோக்குன்னு அவர் வார்த்தைகளை வச்சே டமிங் வெடி வெடிக்கிறார். விஜயின் தங்கையாக வரும் சரண்யா, ஹன்சிகாவின் அப்பாவாக வரும் எம்.எஸ்.பாஸ்கர், போலிஸ் அதிகாரியாக வரும் ஷாயாஜி ஷிண்டே அனைவரும் அவரவர் பணிகளை நன்றாக செய்துள்ளனர். இளவரசு,பாண்டிய ராஜன், ராகவ்,சிங்கமுத்து,வையாபுரி,சூரி, ப்ளைக் பாண்டி ஆகியோர் சிறிய நேரத்துக்கே தலையை காட்டினாலும் அவரவர் பணியை பாராட்டக்குரிய வகையில் செய்துள்ளனர்.

விஜய் ஆண்டனியின் இசை இப்படத்திற்கு சிறப்பு அம்சமாக அமைந்துள்ளது. எல்லா பாடல்களும் டாப் கிளாஸ். “மொளச்சு மூணு எலையும் விடல” வில் கிராமியை இசையில் கலக்கி சில்லாக்ஸ், மாயம் செய்தோவில் வெஸ்டர்னில் கலக்கி “சொன்னா புரியாது” வில் டப்பாங்குத்துவில் இறங்கி , சூப்பர் வெரைட்டி கொடுத்திருக்கிறார் ! சபாஷ்! ப்ரியனின் ஒளிப்பதிவு சேசிங்க் காட்சிகளில் பின்னியெடுக்கிறது கேமரா. ஆனால் கிராமத்து காட்சிகளில் இன்னும் ரம்மியம் கூட்டியிருக்கலாம். மற்றும் V.T.விஜயனின் எடிட்டிங் இப் படத்திற்கு கூடுதல் பலம் சேர்த்துள்ளது. அனைத்தையும் தாண்டி, இப்படத்தின் வசனங்கள் மிகுந்த பாராட்டுக்களை குவித்து வருகிறது.

“உழைச்சு சாப்பிடுறவனோட வியர்வை,தாய்ப்பாலைவிட சிறந்தது”.

தம்பியை மட்டுமே இயக்கிப் பழகிய ராஜாவுக்கு வேலாயுதம் ஒரு புது மாஸ் களம். சவாலாய் எடுத்து செய்திருக்கிறார். சண்டை காட்சிகளை சரியான இடத்தில் புகுத்தி சென்டிமென்டை சரிவர கலந்து விஜயின் மாஸ் அப்பீலை சரியாக பயன்படுத்தியிருக்கிறார் ராஜா. ஆனால் சில இடங்களில் விஜயின் பழைய பட காட்சிகளைப் போலவே வரும் ரிப்பிடீஷனை தவிர்த்திருக்கலாம். இருந்தாலும், விஜயை வைத்து ஒரு மாஸ் என்டர்டெய்னரை தந்திருக்கிறார்.

“வேலாயுதம்”, “ஆசாத்” என்ற தெலுங்கு படத்தின் ரீமேக் என கருதப்படுகிறது. ரீமேக்காக இருந்தாலும், தமிழ் மக்களுக்கு ஏற்றவாறு பல மாற்றங்களை செய்துள்ளார் M.ராஜா.
விஜய் பற்றி எவ்வளவு நக்கல் ஜோக்ஸ் வந்தாலும் மக்களுக்கு அவர் மேல் இன்னும் நம்பிக்கை இருக்கத்தான் செய்கிறது. கில்லி மாதிரி இன்னொரு படம் வராதா என்று மக்கள் ஜாலியாக ஒரு படம் பார்க்க இன்றும் ஏங்குகிறார்கள். அந்த நம்பிக்கையை விஜய் 75% பூர்த்தி செய்திருக்கிறார்.

-நன்றி-
-அன்புடன்-
-ரூபன்-

ஏழாம் அறிவுபடத்தின் திரைவிமர்சனம்

தமிழ் திரையுலகமே மிகவும் எதிர்பார்த்த படம். ஏகப்பட்ட ஹைப்புகளுடன் வியாபாரம் செய்யப்பட்டப் படம். சூர்யா, ஏ.ஆர்.முருகதாஸ், ஸ்ருதி, ஹாரிஸ் ஜெயராஜ், உதயநிதி ஸ்டாலின், ரவி கே. சந்திரன் என்று பெரிய படையே இதன் பின்னணியில். ரிலிஸுக்கு முன்னமே சுமார் 80 கோடி வியாபாரம் முடிந்திருக்கிற படம். இப்படத்தை பொறுத்தவரை தயாரிப்பாளருக்கு ரிலிஸின் முன்னமே பெரும் லாபத்தை கொடுத்தப் படம். அநியாயமாய் 200ரும் முன்னூறும் கொடுத்த பார்த்த ரசிகர்களுக்கு ஜீரணிக்குமா? என்பதை பார்ப்போம்.
ஆயிரத்து அறுநூறு வருடங்களுக்கு முன் போதிதர்மன் எனும் பல்லவ இளவரசர் வாழ்ந்து வந்தார். அவர் சண்டைப் பயிற்சி, மருத்துவம், என்று பல கலைகளில் சிறந்து விளங்கினார். ஆய கலைகள் அனைத்திலும் சிறந்த விளங்கிய அவர் தன் தாய் தந்தையின் ஆசைப்படி சீனாவுக்கு தரை மார்கமாகவே மூன்று வருட பயணம் மேற்கொண்டார். சீனாவில் ஒரு சிறிய கிராமத்தை அடைந்தார். இவரை கெட்டவராக பார்த்த மக்களுக்கு ஒரு முறை பெயர் தெரியாத வியாதி ஒன்று வர, அதை தன்னுடய மருத்துவ முறையால் தீர்த்து வைத்தார். அதன் பிறகு அந்த வைத்திய முறையை அங்குள்ள மருத்துவர்களுக்கு அறிமுகப்படுத்தினார். பின்னர் அங்குள்ள மக்களுக்கு தீயவரகளால் பங்கம் வரும் போது தன் களறி பயிற்று மூலம் குங்பூ எனும் கலையை காட்டி, நோக்கு வர்மம் எனும் கலையை பயன்படுத்தி மக்களை காப்பாற்றுகிறார். இவ்வளவு செய்த மக்கள் அவர் தங்கள் ஊரில் இற்ந்து புதைத்தால் தங்கள் நாட்டிற்கு ஏதுவும் வராது என்று தவறாக நினைத்து சாப்பாட்டில் விஷம் வைக்கிறார். அதை தெரிந்து கொண்ட போதிதர்மர் அவர்களுக்காக உண்டு சாகிறார். அங்கேயே புதைக்கப் படுகிறார். கடவுளாய் வழிபடப்படுகிறார். இதுதான் போதிதர்மனின் வாழ்க்கை வரலாறு. என்னடா ஏதோ வரலாற்று பாடத்தை மக்கப் செய்வது போல இருக்கிறதே என்று பார்க்கிறீர்களா? படம் பார்க்கும் போது அப்படித்தான் தோன்றுகிறது.

நிகழ்காலத்தில் சூர்யா ஒரு சர்க்கஸ் கலைஞன். ஸ்ருதி ஒரு டி.என்.ஏ பற்றிய ரிசர்ச் மாண்வி. சூர்யாவுக்கும் அவருக்கும் காதல். அப்படியென்று சூர்யா நினைத்துக் கொள்ள, இல்லை என்று தெரிந்து சோக கீதமெல்லாம் பாடி, பின்பு தெரிந்து கொள்கிறார் தான் போதிதர்மரின் வாரிசு என்றும். அவரது டி.என்.ஏவும் தன் டி.என்.ஏவும் எண்பது சதவிகிதம் சூட் ஆகிறது என்றும். அவரின் டி.என்.ஏவில் உள்ள திறமைகளை தூண்டிவிட்டால் இவரும் ஒரு போதி தர்மர் ஆகிவிடலாம் என்று சுருதி மூலமாய் தெரிந்து கொள்கிறார். சீனாவிலிருந்து டோன்லி எனும் ஒரு சைனாக்காரன் இந்தியாவில் நாய் மூலமாய் போதிதர்மர் மருந்தளித்து குணப்படுத்திய வியாதியை பரப்பி, அதற்கான மருந்தை சீனா விற்று, இந்தியாவை தன் இஷ்டப்படி ஆட்டலாம் என்று அவர் ஒருவரை மட்டும் அனுப்புகிறது. அவனுக்கு இட்ட இன்னொரு கட்டளை போதிதர்மனின் டி.என்.ஏவை பற்றி ஆராய்ச்சி செய்யும் சுருதியை கொல்வதும் ஒரு காண்ட்ராக்ட். அவன் இந்தியாவில் அந்த நோயை பரப்பினானா? ஸ்ருதியை கொன்றானா? போதிதர்மனின் டி.என்.ஏவை செலுத்தி அதன் மூலம் முழு போதிதர்மன் ஆனாரா சூர்யா? என்பது போன்ற கேள்விகளுக்கு வெள்ளித்திரையில் பதிலளித்துள்ளார்கள்.

பெரிதாய் பில்டப் செய்யப்பட்ட போதிதர்மர் கேரக்டரில் சூர்யா நன்றாக இருக்கிறார் பார்க்க. நன்றாக நடித்திருக்கிறார் என்று சொல்பவர்களுக்கு நான் ஏதும் சொல்ல விரும்பவில்லை. போதி தர்மர் எபிசோட் டெப்த் இல்லாமல் வெறும் ஆர்ப்பாட்டமாகவே இருக்கிறது. சிக்ஸ் பேக்கில் கட்டுமஸ்தாய் குங்பூ கலைஞர என்பதை நம்ப வைக்கிறார். அவ்வளவுதான். அவரை பற்றி பெரிய டீடெயில் இல்லை. நிகழ்காலத்தில் சர்கஸ் கலைஞராய் வரும் சூர்யா ஆடுகிறார், பாடுகிறார். அருமையாய் சண்டை போடுகிறார். ஆங்காங்கே ஸ்ருதியை காதலிக்கிறேன் என்று காமெடி செய்கிறார். பெரும்பாலும் தன் ஸ்க்ரீன் ப்ரெசென்ஸை சரியானபடி உபயோகித்திருக்கிறார் என்றே சொல்ல வேண்டும். பாடல் காட்சிகளில் ஸ்ருதிக்கும், சூர்யாவுக்கும் எந்த வித �கெமிஸ்ட்ரி�யும் வரவில்லை. பாவம் மனுஷன் கமல் பொண்ணு என்ற எண்ணத்திலேயே நடித்திருக்கிறார் போலும்.

ஸ்ருதி அழகாக இருக்கிறார். ஸ்பஷ்டமாய் அழுத்தம் திருத்தமாய் டாமினண்ட் வாய்ஸில் பேசுகிறார். பாடல் காட்சிகளில் ராவிஷிங் பியூட்டியாக இருக்கிறார். சில பல காட்சிகளில் நடிக்கவும் செய்கிறார். அதே போல படு பயங்கர வில்லனாய் வரும் ஜான். மனுஷன் பேசாமலேயே நிறைய விஷயங்களை செய்கிறார். ஆனாலும் படம் நெடுக டெர்மினேட்டர் டூவை ஞாபகப்படுத்துகிறார். தக்குணூண்டு கண்ணை வைத்துக் கொண்டு ஊரிலுள்ள் எல்லாரையும் சடுதியில் நோக்கு வர்மம் செய்து தன் காரியத்தை சாதித்துக் கொள்கிறார். க்ளைமாக்ஸ் பைட்டில் புழுதி பறக்க சண்டை போடுகிறார்கள் கிராபிக்ஸில்.
ஹாரிஸ் ஜெயராஜின் பாடல்கள் பெரிய லெட்டவுன். பின்னணியிசை அதை விட கொடுமை. க்ளைமாக்ஸ் காட்சியில் அவர் செய்திருக்கும் பின்னணியிசை படு இம்சை. ஓகே என்ற �யம்மா..யம்மா� பாடலும் அபத்த தருணத்தில் வருவதால் உட்கார முடியவில்லை. ஆண்டணியின் எடிட்டிங் ஓகே. ரவி.கே.சந்திரன் வெகு நாட்கள் கழித்து தமிழ் படத்திற்கு ஒளிப்பதிவு செய்திருக்கிறார். இவரின் இந்தி படங்களைப் பாருங்கள். அப்படி கண்ணில் ஒற்றிக் கொள்ளூமாறு இருக்கும் ஒவ்வொரு ஷாட்களும். இதில் எல்லாமே மிஸ்ஸிங் அவசர அடியாய் அடித்த எபெக்ட் மட்டுமே தெரிகிறது. அதிலும் வில்லன் நோக்கு வர்மத்தில் மாறி மாறி ஆட்களை வசீகரித்து சூர்யா, ஸ்ருதியை கொல்ல செய்யு முயற்சி சீனில் க்ராபிக்ஸ் படு சொதப்பல். பாடல் காட்சிகளில் ஓரளவுக்கு பரவாயில்லை.

எழுதி இயக்கியவர் ஏ.ஆர்.முருகதாஸ். வழக்கமாய் முருகதாஸ் படங்களில் ஒரு டஃப் மேட்டரை சொல்வதற்கு பக்கா மசாலாவான ஒரு பில்டப் செய்து திரைக்கதையமைப்பார். உதாரணம் கஜினி. மொமண்டோவிலிருந்து அந்த கேரக்டரின் ப்ரச்சனையை எடுத்தாலும் அதை திரைக்கதை அமைத்தவிதத்தில் மிரட்டியிருப்பார். க்ளைமாக்ஸை தவிர. அதே போலத்தான் ரமணா போன்ற படங்களிலும். அதைப் போல இதிலும் ஒரு வியாதியை பரப்பி அதனை குணமாக்க மருந்து கண்டுபிடிக்கும் வேலையை செய்யும் வில்லனுக்கும் அதை தடுக்க நினைக்கும் ஹீரோவுக்குமான கன்பர்ன்டேஷன் தான் என்றாலும் அதற்கு டி.என்.ஏ, போதி தர்மர், தமிழ், தமிழர், என்று உணர்வுப் பூர்வமாய் உசுப்பேத்திவிட்டு ரணகளப் படுத்து முயன்று அரைகுறையாய் வெற்றி பெற்றிருக்கிறார் என்றே சொல்ல வேண்டும். கேள்வி கேட்க வேண்டும் என்றால் ஆயிரம் கேள்விகள் கேட்க வேண்டியிருக்கிறது. போதி தர்மர் எதற்காக சைனா போனார்? அவரை சைனாவுக்கு அனுப்பி வைத்ததற்கான காரணம் என்ன? அவர் தரையில் புழுதியை கிளப்பி அதை காற்று பந்தாக்கி எதிரியின் மேல் அனுப்புவது குங்பூவில் இருக்கிறதா? ஏதோ சித்து விளையாட்டு என்று வேண்டுமானால் எடுத்துக் கொள்ளாம். அப்புறம் சூர்யாவை மட்டுமே நம்பி ஒரு சர்க்கஸ் கம்பெனி நடக்கிறது. அவரே மக்கள் கூட்டத்தை கூட்ட, நடு ரோடில் ரிங்கா ரிங்கா என்று பாடுகிறார். சர்க்கஸில் பார் விளையாடுகிறார். யானைக்கு உடம்பு சரியில்லை என்றால் அழைத்துப் போகிறார். அப்புறம் பாதி படத்திற்கு மேல் ஸ்ருதியுடன் சுற்றுகிறார். போதி தர்மரின் டி.என்.ஏ சேம்பிள்கள் சைனாவில் தான் கண்டெடுக்கப்பட்டிருக்கிறது. அந்த டி.என்.ஏ சேம்பிள்கள் எப்படி ஸ்ருதிக்கு கிடைத்தது? இடைவேளைக்கு பிறகு அடுத்து என்ன காட்சி வரும் என்பதையும். க்ளைமாக்ஸில் சூர்யா, ஜான் சண்டைக் காட்சியின் முடிவில் என்ன ஆகும் என்பது பிறந்த குழந்தைக்கு கூட தெரியும். அவ்வளவு டெம்ப்ளேட். உதாரணமாய் லிப்டிற்கு சூர்யாவும், ஸ்ருதியும் காத்திருப்பது, லிப்ட் வர நேரமாகும் போது கிளம்ப அந்த லிப்ட்டில் வில்லன் வருவது. போன்ற பல காட்சிகள். ஒரு செகண்ட் பார்த்தாலே ஹிப்னடைஸ் செய்ய முடியுமா? இப்படி தொடர்ந்து பல கேள்விகள் ஓட்டை மேல் ஓட்டையாய் வந்து கொண்டேயிருப்பதை தவிர்க்க முடியவில்லை.முதல் பாதியில் போதியும், பாடல்கள், ரம்பராய் இழுக்க, இரண்டாவது பாதிதான் படு சூடான சேஸிங். ஆரம்பிச்ச போது பர்ப்ரவென போகும் படம். பின்னர் நான் யோசிக்கும் அத்தனை காட்சிகளும் தொடர்ந்து வந்து கொண்டேயிருக்க, பெரிய த்ரில் ஏதுமில்லாமல் பொசுக்கென முடிந்து போகிறது.

நல்ல விஷயங்கள் என்றால் இம்மாதிரியான சாதாரண கதைகளுக்கு வேறு ஒர் கலர் கொடுக்க முயன்ற முயற்சி. போதி தர்மர் பற்றிய பில்டப்புகள். நம் நாட்டில் இல்லாத விஷயங்களா? அதுவும் தமிழன் வரலாற்றில் அவன் செய்யாதது எதுவுமே இல்லை என்று இடைவேளைக்கு பிறகு தமிழ் உணர்வை தூண்டிவிட்டு செய்யப்பட்ட திரைக்கதை. (இப்படம் தெலுங்கில் டப்பாகி பேசும் போது �மன தெலுகு தேசமுலு� என்று வரும்) நம் வரலாற்றை பற்றி நாம் தெரிந்து கொள்ளாதது. மஞ்சளே விவசாயம் செய்யாதவன் அதற்கு பேட்டண்ட் வாங்கிய கொடுமை. உலக நாடுகள் இந்தியாவின் வளர்ச்சியை அழிக்க நினைப்பது, டி.என்.ஏ சமாச்சாரங்கள் போன்ற பல நல்ல விஷயங்களை உறுத்தாமல் ஒரு கமர்ஷியல் படத்திற்குள் வைத்தது. அந்த அடையாறு யானை சவாரிக் காட்சி, வில்லன் நோக்கு வர்மத்தில் ஒவ்வொரு ஆளாய் ஏவி ஸ்ருதியையும், சூர்யாவையும் கொல்ல முயலும் காட்சி, சென்னைக்குள் இருக்கும் காடு என்கிற மேட்டர். சென்னை வாசிகளுக்கு கூட அவ்வளவாய் தெரியாது. இரண்டாவது பாதியில் கொடுத்த பரபரப்பான மசாலா திரைக்கதையினால் படம் தப்பிக்கிறது. மொத்தத்தில் தமிழ் நாட்டில் தமிழனை தூண்டிவிட்டால் ஜெயிக்கலாம் என்ற உண்மையை இப்படத்தின் மூலம் நிருபித்திருக்கிறார்கள்.

-நன்றி-.
-அன்புடன்-
-ரூபன்-

தமிழா நீ பேசுவது தமிழா??

அம்மா என்று அழைக்கும்
வாயால் மம்மி என்கிறாய்
அப்பா என்று அழைக்கும்.
வாயால் டாடீ என்கின்றாய்.
தமிழா நீ பேசுவது தமிழா.???
நீ தமிழன் அல்லவா?
உன் தாய் மொழியும்-தமிழ் அல்லவா?
அழகான செம்மையான தமிழில்.
அப்பாவை அப்பா என்றும்.
அம்மாவை அம்மா என்றும்.
நம்ம பைந்தமிழில் கூப்பிடன்டா-தமிழா?

அம்மா சோறு தாரும் என்று.
சொல்லும் சொல்லுக்கு.
(ரயிஸ்) என்று அங்கில பினாமியில்.
சொல்லுகின்றார்கள்.
விஸ்கோத்து என்று சொல்லும்.-சொல்லுக்கு.
தமிழ் வார்த்தையை சுருக்கி(விஸ்கட்)
என்று.சொல்லுகின்றாய்.
தமிழா நீ பேசுவது தமிழா?????
ஒருவனுடன் உரையாடும் போது.
அதற்கு பிறகு என்ன என்று -கேட்கும்.
சொல்லுக்குப் பதிலா.(சோ)
என்ற ஆங்கில வார்த்தையை
ஏன்டா தமிழா தமிழில் புகுத்துகின்றாய்.
உன் தந்தையும் தாயும் தமிழ் அல்லவோ.
நம் தமிழ் மொழி செம்மொழி- அல்லவா.
இதை புரியாமல் ஆங்கில பினாமியில்.
பேசுகின்றாய் தமிழா…..

தமிழர்கள் நாம் எல்லோரும்.
தமிழில் பேசினால்-நம் மொழி வளரும்மல்லவா?
நம் தமிழ் மொழியான செம்மொழியை-வளர்க்க.
கி.பி.1-3ம் நூற்றாண்டில். (சங்ககாலத்தில்).
முதற்சங்கம் இடைச்சங்கம்.கடைச்சங்கம்.
என முச்சங்கள் வளர்த்தார்கள்.-நம்
தமிழ் மொழியை வளர்க்க அல்லவா.
எத்தனையோ தமிழ் மன்றங்கள்-இருந்தும்.
தமிழ் வளாத்தாலும்.ஆங்கிலத்தில் அல்லவா.-பேசுகின்றோம்
இன் நிலை இப்படி இருந்தால்.
நம் தமிழ் மொழியின் நிலை என்னவாகும்?
எதிர்கால சந்ததியினருக்கும் நம் தமிழ்மொழியினை
கற்றுக் கொடுப்போம்.
தமிழனாய் இருப்போம்-தமிழ்லை வளர்ப்போம்.
தமிழ்லை கற்போம்……….

-நன்றி-
-அன்புடன்-
-ரூபன்-