பாசத்தின் குரலுக்கு ஒரு தடை

காலங்கள் உருண்டோட
வாழ்வில் வசந்தங்களும்
சோகங்களும்-வந்தாட.
உடலை விட்டுப் பிரிந்த-ஆவிபோல
அவளின் நினைவுகள்
என்னை பந்தாடுகிறது.
துள்ளி எழும் இதயம் -கூட
ஒருகனம் சிந்திக்க வைக்கிறது.

குயிலின் இன்னிசை கானம்-போல
அவளின் இன்னிசை குரலால்
என்னை நீ கூவி அழைக்கையில் காதலை சுமந்துவரும் குரலோசை
மௌனித்தது
பின்புதான் அறிந்தேன்
மின்சாரத் தடையென்று.
‘
கன்றுக்குட்டியை துலைத்த
தாய் பசு.துவண்டு அழுவது-போல.
என் விழிகள் இரண்டும்
உன்னை பார்த்த நாள் முதல்
உறங்க மறுக்கிறது…..

என் விழியில் வழிந்த கண்ணீர்துளிகள்
நான் உறங்கும்-தலையணையில்
மழைத்துளியாக -தூவியது.
உன் நினைவில் -நான் விடும்
சுவாசக்காற்றில் -ஈரம் காய்கிறது……

---

தைப்பொங்கல் சிறப்புக் கட்டுரைப் போட்டிக்கான சான்றிதழ் அச்சடிக்க வேண்டியதால் அனுப்பாதவர்கள் விபரங்களை அனுப்பவும்
கட்டுரைப் போட்டி முடிவுகளை சகோதரன் பாண்டியன் வலைப்பூவில் பார்வையிட இதோ முகவரி

http://pandianpandi.blogspot.com/2014/04/blog-post_7553.html?m=1

-நன்றி-
-அன்புடன்-
-ரூபன்-

ஒரு விடியலைத் தேடி…….

விடியலைத் தேடும்-இரவு போல
எனது வாழ்வில் விடியல் காண
உனது நினைவைத் தேடுது.
உனது வாழ்வில் விடியல்-தேட
எனது நினைவைத் தேடுது…

குண்டு மணி போன்ற-கண்ணழகி
குடு குடுத்த நடைக்காரி
கட்டழகு மேனியவள்.
கண்டவுடன் என் உள்ளம் -குளிர்கிறது.

மனிதன் எல்லாம் நடந்து-செல்லும்
பாதையெல்லாம்
சிறு வீதி அமைவது போல
அவள் நடந்து சென்ற -என்
இதயப் பாதையில்
அவளின் நினைவுகள்
உறங்கி கிடக்கிறது.

நீண்ட நாட்கள் மழையின்றி
வாடிக் கருகிய புற்கள்-எல்லாம்
மழை நீர் கண்டு செழிப்பது-போல.
அவளைக் கண்ட நாட்கள் எல்லாம்
என் இதயம் துள்ளிசை -பாடுகிறது.

அவள் நடந்து சென்ற
பாதை இருமருங்கிலும்
அவள் தொட்டுச் சென்ற மூங்கில் மரங்கள்
காற்றுக்கு அசைந்து – இசை பாட
அவள் இல்லாத நாட்களில்
அவள் தொட்டுச் சென்ற-மூங்கிலின்
இசையை ரசித்துக் கொண்டே-இருப்பேன்

-நன்றி-
-அன்புடன்-
-ரூபன்-

நேரில் பேசும் தெய்வங்கள்…..

உயிரைப் பெற்றவன்-இன்று

சுதந்திரப்பறவையாக –இருக்க

அந்த உயிரை கொடுத்தவன்

கொடுத்தவள் இன்று-சிறைக் கைதியாக

மனச்சாட்சிகளின் கதவுகள் அடைக்கப்பட்டு

ஏதோ ஒன்றை தேடிக்கொண்டு –வாழ்கிறார்கள்

 

ஒவ்வொரு விடியல் பொழுதும்

அவர்களின் வாழ்வில் –பெற்ற பிள்ளைகளை

தரணியிலே.மற்றவர்கள்- பிள்ளைகளுக்கு.

நிகராக வாழவேண்டும் என்ற

எண்ணச்சிறகு விரித்து பறந்தவர்கள்….

மகனே நீ இருக்க -உனக்கு

ஒரு கருவறை இருந்தது.

 

நான் உன்னுடன் வாழ –எனக்கென்று.

ஒரு கழிவரை கூட இல்லையா….?????

பெற்றவனும் பெற்றவளும் இன்று சிறைக் கைதியாக

மணிக்கு மணி மணித்துளியாக

கண்ணீர்த் துளிகள் சிந்துகிறோம் –மகனே…..

இந்த துயரங்களை எப்போது அறியப்போகிறாய்

 

ஆதவன் புலர்ந்திடுவான்

மண்வெட்டியை தோளில் –சுமந்து….

மாற்றான் தோட்டத்திற்கு- நீர்பாய்ச்சி

சமுதாயத்தில் நல்லவனாய் -வளர்த்தேனே

நீ செய்தது நாயமா.???நீதியா???

நான் பெற்ற மகனே சொல்லும்மட……,,,,,,,

அந்த கதிரவனும் மறைந்திடுவான்.

உங்களை தோளில் தூக்கி நிலாவினை காட்டி

உன்விழி உறங்க வைத்தேன்-மகனே

 

உன் சுக போக வாழ்வுக்கா

உன் சம்சாரத்தின் சொல்லுக்கா.

என்னையும் உன் அம்மாவையும்…

முதியோர் இல்லத்தில் சேர்த்து விட்டு

நீ தொலை தேசம் போய் விட்டாய் –

வேண்டாம் வேண்டாம் -உறவுகளே.

எம்மைப்பெற்ற தெய்வங்களை.

அரவனைக்க முதியோர் இல்லம்-வேண்டாம்.

அவர்களின் இறுதி மூச்சு உள்ளவரை

பெற்ற பிள்ளைகளின் மடியில் -சுமந்திடுவோம்……

 

-நன்றி-

-அன்புடன்-

-ரூபன்-

காதலனின் அனல் பறக்கு வார்தைகள்…..

தென்னம் கீற்றில் வந்து
தென்றல் காற்று மோதும்-போது
என் தேகம் வந்து மெல்ல மெல்ல
உன்னைத் தேடுதம்மா
உன் கன்னிமனதை-நினைத்து.நினைத்து
என் உள்ளம் வாடுதம்மா

நிலவு வரும் நேரம் வந்தது
மின்னல் வெட்டி மறையும் –நேரம் வந்தது
நான் நீண்ட நேரம் காத்திருந்தேன்
ஊர் முழுக்க ஓலம்நீ- இன்னும் வரவில்லையடி
வீதியிலே காவலுக்கு நின்ற-பேய்கள்
என்னை அடிக்கும் நேரம் –நெருங்குதடி
நீ இருக்கும்மிடம் தேடிப் போகப்பேகிறேன்
நல்ல காலம் நெருங்குதடி
நம் காதல் வந்து-கூடும்
உன் கழுத்தில் தாலி நின்று-ஆடும்

உன் உள் நெஞ்சு அழுகிறது
அது எனக்கு புரிகிறது
உன் நினைவில் நின்று நானும்-அழுகிறேன்
அது உனக்கு புரிகிறதா???
எந்தன் உடல் கல்லரையை-தேடும்
அல்லது எந்தன் உடல் உன்னுடனே-சேரும்
நீ என்னுடன் சேர்ந்தாள்-என்
மார்பில் அனைத்து உச்சி முகந்திடுவேன்
காதலர்கள் தேற்பதுதான்
ஆனால் காதல் மட்டும்-அழிவதில்லை
உன் கன்னி மனம் மாறும் –காலம்
வெகு தூரமில்லை-உன்
கழுத்தில் தாலி ஏறுவது-சத்தியமே

-நன்றி-
-அன்புடன்-
-ரூபன்-

முதுகில் கூடையை சுமக்கும் எம்மவர்கள்

 

உச்சிவெயிலில்
உடுத்த உடுப்புடன்
குடும்பத்தை சுமக்க-வேண்டிய
எம்மவர்கள்
முதுகில் கூடையை-சுமக்கிறார்கள்
நாணூறு(400)மீற்றர் -மலை
உச்சியில் -ஏறி
கொட்டும் மழையிலும்
கொட்டும் பணியிலும்
சுட்டெரிக்கும் வெயிலிலும்
ஒருசான் வயிற்றுக்கு
உயிரையும் துறக்கும்-எம்மவர்கள்
எம் தேயிலைத் -தொழிலாளிகள்

 

கால்களும் கனக்க
கைகளும் வலிக்க
தான் பெற்ற உறவுகளை
அறுத்து விட்டு
கதிரவன் ஒளிக்கீற்று
பூமா தேவியின் மடியில்-தவள முன்
அப்பா,அம்மா மச்சான் அத்தை
மச்சினிச்சி-என்ற,
உறவுகளை அளைத்தெடுத்து
ஊர் விடிய முன் மலை-உச்சியில்
சங்கமிக்கின்றான்
அவர்கள் தான்-எம்மவர்கள்
தேயிலைத் தோட்ட-தொழிலாளி,

 

முதுகில் கூடையும்
இடப்பக்கத் தோழில்
உணவுப் பொட்டனமும்
வலப்பக்கத் தோழில்
தாகத்தை – தீர்க்க தண்ணீரும்
ஒருகையில் கத்தியும்
மறு கையில்-தடியும்
வேதனை தாங்கிய -சுமையுடன்
தேயிலைக் கொழுந்தினை-பறிக்கிறார்கள்
எம்மவர்கள்

 

கங்காணம் கணக்கப்பிள்ளை
துரைமார்களின் துன்பம்ஒரு-பக்கம்
குடும்பத்தின் வறுமைஒரு-பக்கம்
இரண்டு சுமையையும்
காலமென்னும் நீரோட்ட -வெள்ளத்தில்
திசைமாறி  ஆழ்கடலில்
தத்தளிக்கும் படகு -போல
எம்மவர் வாழ்கை-அலைமோதுகிறது,

 

தரணம் தப்பினால்
மரணம் என்ற
சுற்று வட்ட-விழிம்பில்
பாம்புகளுக்கும்,அட்டைகளுக்கும்-இடையே
தன் உயிரை ரனமாக்கி
வியர்வையும் இரத்தத்தையும்-சிந்தி
ஒருசான் வயிற்றுக்கு-உயிரை விட்ட
எம்மவர்கள் எத்தனை பேர்
எம்மவர்கள் பாதம் பட்ட
தேயிலைத் தோட்டத்தில்
சென்று பார்த்தாள்
எம்மவர்களின் வரலாற்றை-சொல்லி விடும்

 

-நன்றி-
-அன்புடன்-
-ரூபன்-

வாருங்கள் கல்வியில் புதுயுகம் படைப்போம்.

ஓடி ஓடி வாழ்ந்தது-போதும்
ஊர்மறந்து வாழ்ந்தது-போதும்.
எம் உறவுகள் கல்வியை -இழந்தது-போதும்.
எம் பண்பினை மண்னோடு-மண்னாக.
சிதைந்தது -போதும்.
வாருங்கள் எம் மாணவ-சமூதாயமே.
புது யுகம் படைப்போம்.
இனியேனும் இழந்த கல்வியை
நமக்காக -மீட்போம்.

ஒன்றாய் இரண்டாய் -றூறாய்.
துயரங்கள் எங்களை-துரத்திவர
குண்டுகள் விழுந்தாள்.
கோயில்கள் போனோம்
கோயில்கள் போனோம்-கடவுளைக்கானோம்
பள்ளிக்குப் போனோம்-பாடங்கள்கற்றோம்
அன்று அறிஞ்ஞர்கள் -கூட்டங்களாய் வாழ்ந்தோம்
இன்று மர நிழலில் வாழ்கின்றோம்.
வாழ்கையில் துன்பங்களை-சுமந்த.
சிலுவையை சுமக்கிறோம்.
துன்ப சுமையை இறக்க.
இனி கல்வி என்னும் -ஆயுதத்தை.
வாழ்கையில் சுமப்போம்
வாருங்கள் எம்-மாணவ சமுதாயமே.
புது யுகம் படைப்போம்.
இனியேனும் இழந்த கல்வியை
நமக்காக -மீட்போம்.

கல்வியில் முன்னேற -துடிக்கும்
எம் மாணவ சமுதாயமே.
கல்வி என்னும் இதமான காற்றினை-சுவாசிக்க.
நல்ல ஒரு மனிதனாய் உருவாக.
கல்வி என்னும் கலங்கரை-விளக்கில்
நாம் வாழ ஒற்றுமையாய் .
புது யுகம் படைப்போம்
இனியேனும் இழந்த கல்வியை
நமக்காக -மீட்போம்.

கல்வி என்னும் -நாதத்தை.
நம் மாணவ சமுதாயத்தின்
ஆழ் மனதில் ஒலிக்கவைத்து.
கல்வி என்னும் இலட்சியப்-பாதையில்.
உயர்வடையச் செய்வோம்.
அறிவில் சிறந்த -அதிபர்கள்.
அறிவில் சிறந்த -ஆசான்கள்
சிந்தனைத் துளிகளை-செவிமடுத்து.
ஒற்றுமையாய்-அணிதிரண்டு.
கல்வி என்னும் முடிவிலப் பயணத்தில்
புதுயுகம் படைப்போம்.
இனியேனும் இழந்த கல்வியை
நமக்காக -மீட்போம்.

-நன்றி-
-அன்புடன்-
-ரூபன்-

என்ன பிழை செய்தேன் தாயே!!!,,,,

நீ என்னை உன் வயிற்றில் சுமந்தது -குற்றமா தாயே

நீ சுமந்தனி எனை ஈனறெடுத்தது-குற்றமா தாயே

இதுதான் அப்பா இதுதான் அண்ணாவென்றது-குற்றமா தாயே

உன்சொந்தபந்தங்களை காட்டியது-குற்றமா தாயே

நீ என்னைசீராட்டி தாலாட்டி வளர்த்தது-குற்றமா தாயே

உன்பசியைபொறுததுக் கொண்டு என்பசியை தீர்தாயோ அது-குற்றமா தாயே

உன் பிள்ளை என்றுஉன் மடியில்உறங்க வைத்தது-குற்றமா தாயே

இல்லை உன்னை அம்மா வென்று அழைப்பது-குற்றமா தாயே

நீ போகும் இடமெல்லாம் உன் பின்னால் வருவது-குற்றமா தாயே

உன் சேலை முந்தாணியில் பிடித்து வருவது-குற்றமா தாயே

 

இல்லை மகனே நீ ஒரு குற்றமும் செய்ய வில்லை

நீ அப்படி கேட்க வேண்டாம் மகனே

உன்னை நான் ஈன்றெடுத்தற்காக-கோடி

தவம் இருக்க வேண்டும் -மகனே

உன் பிஞ்சு உள்ளம் வடலியில் வாட.வாட

உன்னை தயாக விட்ட பாவப்பட்ட-ஜென்மம் நான்

என்னதான் செய்வது-மகனே

இறைவன்வரம் இப்படி அம்மாவுக்கு

நான் ஒருதொழு நோயாளி மகனே

உன்பிஞ்சு உள்ளம் பரதவிக்க

தனியாக விட்டு விட்டேன்-மகனே

உன்கொடுமையை-பார்க்க

தாயுள்ளம் பதறுது-மகனே

 

-நன்றி-

-அன்புடன்-

-ரூபன்-

அன்பே உன் நினைவுச் சுவடுகள்

அன்பே உன் நினைவுச் சுவடுகளை
நித்தம் நித்தம் சுமந்து கொண்டு
உன் நினைவலையில் வாடுகின்றேன்
நீ என்னை காதலிக்கும்- போது
நீ உயிர் ஊட்டி வார்த்த வார்த்தைகள்
ஒவ்வென்றும் என் அடி நெஞ்சை
ஒரு கனம் புரட்டிப் பார்க்குது-அன்பே

நீ உயிருடன் இருக்கும் போது
என் நினைவுகள் தினம் தினம்
உன்னிடம்- ஆனால்
எனக்காக நீ வரைந்த
வாழ்துமடல்-சுவடுகள்லுடன்
தினம் தினம் வாழ்கின்றேன்,அன்பே
நீ காதல் நினைவுக்காக-வரைந்த ஓவியத்தையும்
நீ எனக்கு பேனாவின் கண்ணீர்த்துளியால்
எழுதிய கவிதையை-நித்தம் நித்தம் பார்த்து
என் கண்ணீரில் இருந்து
கண்ணீர் துளிகள் வடியுதடி-அன்பே

அன்பே நீஎன்னை விட்டு
நிரந்தரமாய் போய் விட்டாய்
ஆனால் உன் ஆத்மா
என்னைப் பற்றி நினைக்கும்
என் காதலன் வேறுமனம் செய்து-விட்டானா?
என்ற ஞாபக நினைவலைகள்
உனக்குள் ஊசலாடும்
அப்படியில்லை,வாழ்ந்தால் உன்னோடுதான்
என்ற உறுதி மொழியை தினம் தினம்
உன் கல்லறையில் பூசித்து வருகின்றேன்-அன்பே

நீ கண்னுக்கு தூரமாய்
என் கண்னுக்கு-உயிராய்
கல்லறையில் வாழ்கிறாய்
உன் நினைவுகள் எனக்கு-சுமையில்லை
உன்கல்லறை சுவருடன்
வாழ்கிறேன்-அன்பே
என் இமைகள் மூடும் போதெல்லாம்
உன் நினைவுகள்-என்னை
தென்றலாய் வந்து தாலாட்டுதே-அன்பே
என் கற்பனைகள் உதயமாகும் போதெல்லாம்
உன் அன்பேன்னும் சுவடுகள்-மட்டும்
எனக்கு ஆறுதலாய் -உள்ளது அன்பே
-நன்றி-
-அன்புடன்-
-ரூபன்-

வாழ்விடம் இழந்த அனாதைகள்

சிட்டுக் குருவி போல-சுதந்திரமாய்.
வாழ்ந்து வந்த எம் தமிழ் இனம்-இன்று
சிதர்உண்டு சிதையுண்டு
சின்னாபின்னமாகினார்கள்
சுதந்திரக் காற்றினை ஓர் அளவு.
சுவாசித்து வாழ்ந்த எம்மினம்
இன்று வாழ்விடம் இழந்த
அனாதைகள் ஆகிவிட்டார்கள்.

வாழ வேண்டும்மென்று -பிறந்த
எம் வாலிபர்கள்-என்ன பிழை செய்தார்கள்.
செய்யாத தப்புக்கு சில ஆண்டு சிறைவாசம்.
அந்த கொடுமையின் வேதனையை பாருங்கப்பா?
சிறைவாசம் வாடும் பிள்ளையை-பார்க்க.
ஈன்றெடுத்த தாயானவள்-கையில் பணம் இல்லாமல்.
பிச்சை எடுத்து பார்க்கப் புறப்படுகின்றால்
பெற்ற பாசம் சும்மா விடுமா???
எங்கள் தமிழ் இனம் அன்றும்- இன்றும்
வாழ்விடம் இழந்த அனாதைகள் ஆகிவிட்டார்கள்.

ஏர் பிடித்து நிலம் உழுது
வாழ்ந்த எம் தமிழ் இனம்
இன்று பாத்திரம் ஏந்தி-ஒருசான் வயிற்றுக்கு
வீதி ஓரமாய் நின்று பிச்சை எடுக்கும்
காலம் வந்து விட்டதய்யா………….
இந்த அவல வாழ்கைக்கு தள்ளப்பட்டு விட்டோமே.
எம் தமிழ் இனம் வந்தாரை வா என்று
அழைத்து விருந்தோம்பும் பண்பு.
கொண்ட எம் தமிழ்இனம்-இன்று
வா.வா.என்றுநம்ம அழைத்தவர்கள்-இன்று.
நமக்கு விருந்தோம்பல் செய்கின்றார்கள்.
இது காலத்தின் தண்டனையா?-அல்லது.
இறைவனின் தண்டைனையா?
அன்றும் இன்றும் எம் தமிழ் இனம்
வாழ்விடம் இழந்த அனாதைகள் ஆகிவிட்டார்கள்.
இதையும் தட்டிக் கேட்க -யாரும் இல்லையா?????
அடிமைகள் போல வாழ்விடம்
இழந்த அனாதைகள் போல வாழ்கிறார்கள்.
எம் தமிழ்இனம்.

-நன்றி-
-அன்புடன்-
-ரூபன்-

 

 

 

வேலாயுதம்படத்தின் திரைவிமர்சனம்

விஜய், ஜெனிலியா, ஹன்ஸிகா மோத்வானி நடித்து தீபாவளிக்கு ரிலீசான வேலாயுதம். ஜெயம் எம் ராஜா இயக்கியுள்ள இந்தப் படத்தை ஆஸ்கர் ரவிச்சந்திரன் தயாரித்துள்ளார். சூர்யாவின் ஏழாம் அறிவோடு தியேட்டர்களுக்கு போட்டி போட்டு உலகெங்கும் ரிலீசாகிவிட்டது வேலாயுதம் !

தன் தங்கையே உலகம் என்று எண்ணி படு அப்பாவியாக வாழும் ஒரு கிராமத்தவன் நகரத்துக்கு வரும் வேளையில் தற்செயலாக, பத்திரிகையாளர் ஒருவரால் படைக்கப்பட்ட ஒரு கற்பனையான சாகசவீரன் பாத்திரமாக மாறிவிட, அடுத்து இடம்பெறும் மோதல்கள், அந்த அப்பாவி சாகச மனிதன் சந்திக்கும் சவால்கள் என்று நீளும் ஒரு விறுவிறு கதை தான் வேலாயுதம்.

ஒரு நகரத்திற்கு குண்டு வைக்க திட்டம் தீட்டுவது போல் “வேலாயுதம்” படத்தின் கதை துவங்குகிறது. அவர்களின் திட்டம் நிறைவேற ஒரு தமிழ்நாட்டு அமைச்சரையும் கடத்துகின்றார்கள். அவரும் தீவிரவாதிகளின் துணையாக செயல்படுகிறார். இந்த விஷமிகளுடன் சேர்ந்து, தனது அடி ஆட்களின் துணையுடன் பல இடங்களில் குண்டு வைக்கிறார் அந்த அமைச்சர். இந்த குண்டு வெடிப்பு சம்பவத்தையும், அமைச்சரின் அடியாட்களின் செயற்பாடுகளையும் பத்திரிகையாளரான ஜெனிலியாவும், அவரின் சில நண்பர்களும் படம் பிடிக்க முயல்கின்றனர். இதனைக் கண்ட அமைச்சரும் மற்றும் அவரது அடியாட்கள், ஜெனிலியாவின் நண்பர்களை எரித்துக் கொண்டுவிடுகின்றனர். ஜெனிலியாவை தாக்கி விட்டு மீண்டும் பாம் வைப்போம் என்று சொல்லிவிட்டு வாகனத்தில் ஏறும் போது, சிகரட் பற்றவைகின்றனர். அந்த தீ தவறி வாகனத்தில் இருந்த பெட்ரோல் மீது விழ, வாகனம் தீப்பற்றி எரிந்து அந்த அடியாட்கள் இறந்துவிடுகின்றனர்.
ஜெனிலியாவும் குறும்புத்தனமாக ஓரு பேப்பரில், இவர்களை நான் தான் கொன்றேன். மீண்டும் குண்டுவைத்தால், மீண்டும் மற்றவர்களையும் அழிப்பேன் என்று எழுதி, அதில் வேலாயுதம் என்று எழுதிவிட்டு போகின்றார்.

“வேலாயுதம்” என்ற கதாபாத்திரத்தில் வரும் விஜய் கிராமத்தில், பாசக்கார அண்ணனாக, தங்கையுடன் நிம்மதியாக வாழ்ந்து வருகிறார். தங்கையின் திருமணத்திற்காக, தான்
சீட்டு கம்பனியில் சேமித்துவைத்த பணத்தை எடுக்க சென்னைக்கு வருகின்றார். சென்னைக்கு வந்த இடத்தில், விஜய் செய்யும் சில செயல்பாடுகள் தீவிரவாதிகளுக்கு எதிராக மாறிவிடுகிறது.அதே போல் தற்செயலாக ஒரு இடத்தில் அவர்களிடமிருந்து ஜெனிலியாவை காப்பாற்றுகிறார் விஜய்.

அப்போது விஜயிடம் நீதான் மக்களை காக்கும் வேலாயுதம் என்கின்றார் ஜெனிலியா. விஜய் இதை ஏற்றுக்கொள்ள மறுக்கிறார். விஜய் செய்த செயல்கள், எதேர்ச்சையாக தீவிரவாதிகளுக்கு எதிராக அமைந்ததை பற்றி விளக்கி கூறுகிறார். இதை எல்லாம் கூறி, விஜயை வேலாயுதமாக மாறி, தீவிரவாதிகளை அழிக்க வேண்டும் என்று கூறுகின்றார்.ஆனால் அதை மறுத்துவிடுகிறார் விஜய்.

விஜயுடன் சீட்டு கம்பனியில் பணம் சேமித்து வைத்தவர்களில் ஒருவராக வருகிறார் இளவரசு. ஆனால், அந்த சீட்டுக் கம்பனி பலரை ஏமாற்றி விடுகிறது. அந்த அதிர்ச்சியை தாங்கிக் கொள்ள முடியாத இளவரசு, தற்கொலை செய்து கொள்கிறார். அவரது மரணத்திற்கு பிறகு, அவரது மனம் வெகுவாக மாறுகிறது. அதன் பின்னர், விஜய் வேலாயுதமாக மாறுகின்றார்.
இதற்கிடையில், ஜெனிலியாவிற்கு விஜய் மீது காதல் வருகிறது. ஆனால், விஜய் தனது முறைப்பெண்ணான ஹன்சிகா மோத்வாணியை காதலிப்பதாக சொல்ல அவர்களுக்காக தனது ஒரு தலைக் காதலை விட்டு தருகின்றனர் ஜெனிலியா.
கிராமாவாசியாக, ஒரு பால்காரராக வரும் விஜய் ஒரு சூப்பர் ஹீரோ வேலாயுதமாக மாறி வில்லனையும், அவரது ஆட்களையும் எப்படி ஒழித்துக் கட்டுகிறாரா, இல்லையா என்பது தான் மீதமுள்ள கதை.(இயக்குனர் ராஜா பேட்டிகளில் சொன்னதுபோல் ஒரு காட்சியில் கூட விஜயை பால்க்காரனாக காண்பிக்கவில்லை)

விஜய்க்கு பழக்கப்பட்ட ரோல். ஆனாலும் ஏதோ ஒரு வெரைட்டி கொடுக்க ட்ரை பண்ணியிருக்கிறார். பாடல் காட்சிகளில் துறு துறு விஜய்.சொன்னா புரியாது பாடலில் தியேட்டரே அதிர்கிறது. அது விஜய்க்கு இன்னும் உள்ள மாஸிற்கு சாட்சி. �ரத்தத்தின் ரத்தமே� பாடல் விஜய் ரசிகர்களுக்கென்றே உருவாக்கப்பட்டதாக இருந்தாலும் உறுத்தாமல் கதையோடு நகர்கிறது.வழக்கம் போல், விஜய் தனது காமெடி, நடனம், செண்டிமெண்ட், ஆக்ஷன் போன்ற அனைத்து அம்சங்களிலும் அசத்தியுள்ளார்.
ஜெனிலியா ஹிந்தியிலும் தமிழிலும் மார்க்கெட் உள்ள பெண் ஏன் தமிழில் மட்டும் ஷோபிக்க முடியவில்லை தெரியவில்லை. இதிலும் தியாகி ரோல் தான். கூடவே நடிக்க முயற்சிக்கும் காட்சிகளில் முகபாவம் வேறு லூசுப்பெண் இமேஜை விட்டு வெளிவர மறுக்கிறது. ஹன்சிகாவுக்கு வேலாயுதம் ஒரு பெரிய மாஸ் பிரேக் தான் ! விஜயுடன் டூயட்டுகளில் தூள் கிளப்புகிறார். ஏதோ நடிக்க வேறு ஆரம்பிச்சுருக்காரு அத்தோட கவர்ச்சிக்கும் குறைவில்லை. சந்தானம் காமெடி காட்சிகளில் பட்டையைக் கிளப்புகிறார். பொறம்போக்கு பொழுதுபோக்குன்னு அவர் வார்த்தைகளை வச்சே டமிங் வெடி வெடிக்கிறார். விஜயின் தங்கையாக வரும் சரண்யா, ஹன்சிகாவின் அப்பாவாக வரும் எம்.எஸ்.பாஸ்கர், போலிஸ் அதிகாரியாக வரும் ஷாயாஜி ஷிண்டே அனைவரும் அவரவர் பணிகளை நன்றாக செய்துள்ளனர். இளவரசு,பாண்டிய ராஜன், ராகவ்,சிங்கமுத்து,வையாபுரி,சூரி, ப்ளைக் பாண்டி ஆகியோர் சிறிய நேரத்துக்கே தலையை காட்டினாலும் அவரவர் பணியை பாராட்டக்குரிய வகையில் செய்துள்ளனர்.

விஜய் ஆண்டனியின் இசை இப்படத்திற்கு சிறப்பு அம்சமாக அமைந்துள்ளது. எல்லா பாடல்களும் டாப் கிளாஸ். “மொளச்சு மூணு எலையும் விடல” வில் கிராமியை இசையில் கலக்கி சில்லாக்ஸ், மாயம் செய்தோவில் வெஸ்டர்னில் கலக்கி “சொன்னா புரியாது” வில் டப்பாங்குத்துவில் இறங்கி , சூப்பர் வெரைட்டி கொடுத்திருக்கிறார் ! சபாஷ்! ப்ரியனின் ஒளிப்பதிவு சேசிங்க் காட்சிகளில் பின்னியெடுக்கிறது கேமரா. ஆனால் கிராமத்து காட்சிகளில் இன்னும் ரம்மியம் கூட்டியிருக்கலாம். மற்றும் V.T.விஜயனின் எடிட்டிங் இப் படத்திற்கு கூடுதல் பலம் சேர்த்துள்ளது. அனைத்தையும் தாண்டி, இப்படத்தின் வசனங்கள் மிகுந்த பாராட்டுக்களை குவித்து வருகிறது.

“உழைச்சு சாப்பிடுறவனோட வியர்வை,தாய்ப்பாலைவிட சிறந்தது”.

தம்பியை மட்டுமே இயக்கிப் பழகிய ராஜாவுக்கு வேலாயுதம் ஒரு புது மாஸ் களம். சவாலாய் எடுத்து செய்திருக்கிறார். சண்டை காட்சிகளை சரியான இடத்தில் புகுத்தி சென்டிமென்டை சரிவர கலந்து விஜயின் மாஸ் அப்பீலை சரியாக பயன்படுத்தியிருக்கிறார் ராஜா. ஆனால் சில இடங்களில் விஜயின் பழைய பட காட்சிகளைப் போலவே வரும் ரிப்பிடீஷனை தவிர்த்திருக்கலாம். இருந்தாலும், விஜயை வைத்து ஒரு மாஸ் என்டர்டெய்னரை தந்திருக்கிறார்.

“வேலாயுதம்”, “ஆசாத்” என்ற தெலுங்கு படத்தின் ரீமேக் என கருதப்படுகிறது. ரீமேக்காக இருந்தாலும், தமிழ் மக்களுக்கு ஏற்றவாறு பல மாற்றங்களை செய்துள்ளார் M.ராஜா.
விஜய் பற்றி எவ்வளவு நக்கல் ஜோக்ஸ் வந்தாலும் மக்களுக்கு அவர் மேல் இன்னும் நம்பிக்கை இருக்கத்தான் செய்கிறது. கில்லி மாதிரி இன்னொரு படம் வராதா என்று மக்கள் ஜாலியாக ஒரு படம் பார்க்க இன்றும் ஏங்குகிறார்கள். அந்த நம்பிக்கையை விஜய் 75% பூர்த்தி செய்திருக்கிறார்.

-நன்றி-
-அன்புடன்-
-ரூபன்-